Nokia oživjela još jedan slavni telefon

0
61

Nakon što su lani izazvali pravo oduševljenje novom verzijom legendarne Nokije 3310, HMD Global je odlučio još jednom da pokuša da igra na istu kartu te su na sajmu u Barseloni predstavili novu verziju podjednako slavne Nokije 8110.

Klizni telefon koji je prvi put predstavljen davne 1996. bio je poznat po karakterističnom obliku banane, a proslavio ga je film Matrix u kojem ga je koristio Kianu Rivs.

Banana se sada vraća u 4G izdanju sa zaobljenim kliznim dizajnom i opcijom da kliznim potezom možemo prihvatiti ili odbiti poziv – nešto što je danas već zaboravljeno kao i spuštanje slušalice kod preklopnih uređaja.

Dok je prošlogodišnji 3310 stizao u nekoliko verzija koje su omogućile modernije komunikacije i brzo surfovanje, 8110 odmah će stići kao 4G uređaj koji podržava i VoLTE – glasovne pozive preko LTE mreže.

Telefon dolazi s operativnim sistemom Kai OS, ali ima pristup trgovini aplikacijama pa se mogu, kako navode iz HMD Globala, skinuti neke od popularnih aplikacija poput Google Asistenta, Searcha, Karata, Facebooka ili Twittera te normalno komunicirati mailovima u Outlooku ili Gmalu.

I da – Nokia 8110 takođe dolazi s novom verzijom Zmije.

Izvor: AntenaM