Dio mještana i vlasnika imanja u Rečinama u opštini Kolašin, od jutros su ponovo okupljeni na putu prema tom selu, riješeni da sprječe nastavak radova na maloj hidroelektrani (mHE) Skrbuša na Rečinskoj rijeci.

Privatna arhiva

Radnici su rano jutros pokušali da pristupe gradilištu MHE “Skrbuša” na Rečinskoj rijeci. Mještani su ih zaustavili, napominjući da nipošto neće dozvoliti nastavak radova na ovoj MHE, a prema informacijama od ljudi sa terena, čeka se policija.

Radovi na ovoj mHE su prekinuti krajem novembra prošle godine, kada su mještani i aktivisti hapšeni zbog blokiranja radova.

Ni nakon pet mjeseci od uspostavljanja nove vlasti problem sa izgradnjom ove mHE nije riješen.

Prema svemu sudeći, mještani će opet morati da tijelima brane Rečinsku rijeku kako bi spriječili koncesionare i izvođače radova, u namjeri da ovu rijeku stave u cijev.