Iguain osvojio Meacu, Juve je lider Serije A

Derbi Italije pripao je Juventusu – “stara dama” pobijedila je Inter u gostima 2:1 i izbila na prvo mjesto Serije A nakon sedmog kola.

Lijepim golom Dibale je poveo Juventus već u četvrtom minutu, ali je brzo stigao odgovor sa druge strane.

De Liht je igrao rukom u svom kaznenom prostoru, a Lautaro Martines u 18. izjednačio rezultat.

Bilo je potom šansi sa obje strane, nije priznat ni gol Ronaldu jer mu je prethodio ofsajd, a utakmica je odlučena u 80. minutu.

Bentankur je asistirao Gonzalu Iguainu, koji je savladao Handanovića.

Inter je nakon šest pobjeda prvi put poražen, a Juventus je uspio da sa bodom više od “neroazura” dođe do vrha tabele.

Izvor: CDM