Gol Dibale u posljednjim sekundama za slavlje Juvea u Rimu

0
39

Možda će gol Dibale za pobjedu Juventusa protiv Lacija od 1:0 u posljednjim trenucima odlučiti borbu za titulu.

Lacio je pokušavao iz kontre, Luis Alberto, a onda i Imobile su testirali Bufona, dosta nervoze, veliki broj duela, sporna situacija kada je Leiva neoprezno naletio na Dibalu, sudija Banti nije svirao penal.

Lukaku je postigao autogol, opravdano poništen jer je prethodno sviran faul nad Raduom.

U drugom poluvremenu dosada, bez šanse, Lacio sve umorniji kako je drugo poluvrijeme odmicalo, danak je uzeo meč protiv Milana, odnosno produžeci u kupu Italije.

Ipak, gotovo neprimijetni Dibala u posljednjim sekundama nakon solo akcije postiže gol i Juventus je ni iz čega stigao do bodova, ko zna, možda zlatnih u trci za titulu!

Večeras dan zatvaraju novim derbijem Napoli i Roma, ako, lider dobije “Derbi sunca” biće na +4, uz utakmicu manje.

Izvor: AntenaM