Izgorjelo je oko 7 hiljada kilograma sijena, a uništeno je i sijeno u balama pored štale

U požaru koji je izbio jutros oko 8.20 časova u selu Prijelozi kod Bijelog Polja, izgorjela je krovna kontrukcija štale sa sijenom, vlasnika Dejana Nedovića.

Izgorjelo je oko 7 hiljada kilograma sijena, a uništeno je i sijeno u balama pored štale.

Širenje vatre lokalizovali su pripadnici Sluźbe zaštite i spašavanja uz pomoć mještana.

Komandir Službe zaštite i spašavanja Milonja Rakonjac je kazao da je na gašenju požara učestvovalo sedam vatrogasaca sa troje vatrogasnih vozila.

“Uspjeli smo da lokalizujemo požar i da spriječimo širenje vatre na donji dio kontrukcije štale kao i širenje vatre na susjedni pomoći objekat”, kazao je Rakonjac.

Izvor: Vijesti.me