Belgija prednjači kada je u pitanju konzumiranje alkohola s više od 12 litara po glavi stanovnika godišnje, pokazalo je novo istraživanje kojim je obuhvaćeno 38 zemalja, uključujući Crnu Goru koja se našla na 24. mjestu.      Crnogorci popiju prosječno 6,56 litara alkohola godišnje (foto: Guliver/Getty images)

Belgija je u svijetu poznata po pivu. Tim stručnjaka izbrojao je skoro 1.600 različitih piva u 2015, pa možda i nije veliko iznenađenje što su se Belgijanci našli na prvom mjestu liste koju su sačinili istraživači agencije Ipsos, navedeno je na sajtu statista.com.

Susjedna Francuska koja je naklonjenija vinu našla se na drugom mjestu sa 11,5 litara alkohola po stanovniku godišnje, što je 1,1 litar manje od prvoplasirane Belgije.

Iako se često vjeruje da Rusi najčešće konzumiraju alkohol, odnosno nacionalno piće votku, građani Rusije su tek na sedmom mjestu liste sa 10,12 litara alkohola, navedeno je na sajtu.

Od 38 država u svijetu koje su obuhvaćene istraživanjem, Srbija se našla na 12. mjestu sa 9,09 litara alkohola po glavi stanovnika godišnje, a Crna Gora na 24. mjestu sa 6,56 litara.

Izvor: RTCG